الرئيسية / أزياء وجمال / دليل جمالك

دليل جمالك

كتبت : منى درغام
هنقدملك شويه نصايح مجربة لجمالك
*اول حاجة*
لما تيجى تغسلى شعرك بالشامبو اقلبي راسك لتحت واقلبي شعرك للإمام وادعكيه بينشط الدورة الدموية للشعر وبكده يمنع سقوطه
*تانى حاجه*
زبدة الكاكاو تستخدميها لدهن كعوب القدم ( اللي بنستخدمها للشفايف ) بتخلي الكعوب تحفة ادهنيها بالليل والبسي شراب وشوفي النتيجة الصبح هاتنبهرى

* تالت حاجه*
وانتى على الكرسي وقاعدة قدام الكمبيوتر قومي واقعدي 5 دقايق بتتخلصى من الإرداف والشحوم اللى لابده ف المنطقه دى

* رابع حاجة *
اغسلي وشك بالصابونة وسيبى الرغوة وحطى أربع نقط معجون أسنان على الرغوة وادعكي وشك وبعدين اشطفيه , قومي جربى وارجعي ردى وادعيلىيارب بيفتح البشرة ويديها لون وردى هحسى ان البشرة بتتنفس ( متجربة )

*خامس حاجة *
للمعان الشعر قبل السشوار اشطفي شعرك أخر شطفه بالماء المضاف إلية الشاي المغلي بعد تبريده واتفرجى

*سادس حاجة*

دايما اشفطى ابطنك لجوه كل ما تفتكرى شهر وبطنك هتختفى احسن من اى تمرين الشفط بيقوى عضلات البطن حتى مع الحمل والولاده

*سابع حاجة*

اخلطي كريم الأساس في كف ايدك مع كريم مرطب واقفلي الايد التانيه واخلطيهم مع بعض وحطيهم على الوجه يمنع تكتل كريم الأساس وهيديكى لمعة تحفة ويمنعه من التشقق مع الوقت الطويل ولا اغلي ماركة

*تامن حاجة *

اغلي نص فنجان ماء مع كركديه واخلطي المية بعد الغلي مع فازلين وادهني شفايفك كل يوم بالليل أسبوع شفايفك بتبقى وردى طبيعي لمدة شهر

*تاسع حاجة*

شرش الجبن ( أو الماء اللي بيكون في علبة ألجبنه ) حطيه في زجاجة وادهني وشك منة مرتين في اليوم وادعيلى تفتيح وترطيب وإزالة البقع والنمش

*عاشر حاجة*

تغيير نوع الشامبو كل أربع شهور لان شعرك بياخد علية ولو بتحبى نفس النوع ابقي ارجعيلة بعد التغير عادى بس غيري وارجعي

الحاجة رقم *11 *

*ومن الحاجات المهمة*

لو عضتك ناموسة فجاة وعندك خروجة بسرعة حطى عليها اى نوع من قطرة العين

*وفى حاجة مهمة*

خايفة على الشراب النايلون من القطع اغسلى رجلك ببلسم الشعر واشطفى رجلك هتبقى نعمة موت حتى لو مش هتلبسى شراب

عن arbstars

شاهد أيضاً

اطلالة يسرا المسعودى فى عرض أزياء هانى البحيرى

كتب وليد شفيق فاجأت الفنانة يسرا السمعودى جمهورها أمس بإطلالتها الجذابة بفستان قصير أظهر أنوثتها …

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *